Meri Pari

Yah sach hai ki tumhare mor-se par nahin
yah sach hai ki koyal-si mithi tumhari kalrav nahin


Yah sach hai ki tumhare krishn se kale kuntal nahin
yah sach hai ki tum mriganayani nahin


Yah sach hai ki tum gulaab ki pankhudi nahin
par kise hai parvaah in pratimanon ki


Anokhi, natkhat, aankhon se dil lubhane wali
radha si pyari, hirani si uchhalane wali


Meri pari ho tum jeevan 'sudha' banane wali
meri pari ho tum aangan me kalrav goonjaane wali